Успен ауданы әкімдігінің, Успен ауданының мәдениет, тілдерді дамыту, дене шынықтыру және спорт бөлімінің "Успен ауданының орталықтандырылған кітапханалық жүйесі" КММ
КГУ "Централизованная библиотечная система Успенского района" отдела культуры, развития языков, физической культуры и спорта Успенского района, акимата Успенского района

Дүниежүзілік кітап және авторлық құқық күні қарсаңында аудандық кітапхананың балалар әдебиеті бөлімінде 4-6 сынып оқырмандарының қатысуымен "Қызықты кітаптың қызықты тағдыры " атты әдеби көкжиек ойыны өтті. Балалар кітапханада сирек кездесетін басылымдармен, әр түрлі форматтағы балаларға арналған кітаптармен танысты. Қатысушыларға "Книжный карусель" сайысында әдеби ойын кезінде кітап туралы жұмбақтар мен мақал-мәтелдер ұсынылды. Іс-шара барысында оқырмандар павлодарлық авторлардың өлеңдерін оқып, жаңадан келіп түскен кітаптармен танысты.

"Кітаппен кездесу - мереке!" жобасы аясында аудандық кітапхананың балалар әдебиеті бөлімі М.Жұмабаев атындағы ЖОББМ-нің мектепалды даярлық тобы оқушыларымен «Кім қалай ән салады? Кто чем поет?» атты бейне-саяхат өткізілді. Кітап көрмесінде ұсынылған әңгімелер мен ертегілер арқылы жас оқырмандар орманда мекендейтін жәндіктер, жануарлар және құстармен танысты. Іс-шара бағдарламасында "Қандай құстар ән салады?" бейне-викторинасы өтті. Сонымен қатар балалар "Сен кімсің?", "Үйіңді тап" қимыл-қозғалыс ойындарын ойнап, әдебиеттерге шолу жасады.

Космонавтика күніне орай аудандық кітапхананың балалар әдебиеті бөлімінде Абай атындағы ЖОББМ-нің 1 сынып оқушыларына "Жер планетасының жұлдызды ұлдары" атты эрудит сағаты өтті. Бағдарламада "Ғарышқа қол жеткізгендер" ақпараттық сағат,"Планетаны тап", "Сен білесің бе?" интеллектуалды ойындары, "Ақындар ғарыш туралы" оқырмандар байқауы, "Ғарышқа саяхат" кітап көрмесінің тұсаукесері ұйымдастырылды.

Аудандық кітапхананың балалар әдебиеті бөлімінде балалар кітабы апталығы аясында 5-8 сынып оқырмандарының қатысуымен «Шытырман оқиғаларды қызығушылықпен оқыңыз. Читайте с увлечением про эти приключения» тақырыбында әдеби саяхат ұйымдастырылды. Балалар "Дәмді оқу" атты көрме – инсталляциясында ұсынылған шытырман оқиғалармен танысып қана қоймай, ойын алаңындағы кейіпкерлердің соңынан еріп, "Бұл өлең жолы кім туралы?", "Ол кім, бұл не?» деген сұрақтарға жауап берді.

Балалар кітабы апталығы аясында аудандық кітапхананың балалар әдебиеті бөлімінде балалар мен олардың ата-аналарының қатысуымен «Сыйлықтар алу, кітап оқу және жазбалар жазу уақыты. Время получать призы, читать книги и писать заметки» атты интеллектуалдық ойын өтті. Ойын 4 турдан тұрды: "Классикалық балалар жазушылары", "Жануарлар туралы кітаптар", "Фантастика және сиқырлық", "Кітап кейіпкерлерімен саяхаттау". Ойын кеңес беретін кітаптары бар көрме-табло түрінде безендірілді. Ойын нәтижесінде қатысушылар әдеби кенес алу арқылы білімдерін толықтырды. Қатысушыларға дұрыс тапқан шығармасы үшін сыйлықтар табыс етілді.

Көктемгі каникул кезінде аудандық кітапхананың балалар әдебиеті бөлімінде 2-6 сынып оқырмандарының қатысуымен "Кітапты оқуға да, тындауға да болада. Книгу можно почитать, а можно и послушать» атты әңгіме-рефлексия өткізді. Кітапханашы Б.Катпанова оқушыларды балаларға арналған кітап басылымдарының заманауи түрлерімен, аудио-дискілермен, 4D-энциклопедияларымен таныстырды. Жас оқырмандар осы кітаптардан адам жүрегінің соғуын қызығушылықпен көре алды, күн жүйесіндегі планеталардың қозғалысын, әртүрлі жануарлар мен балықтардың қалай қозғалатынын бақылай алды.

Аудандық кітапхананың балалар әдебиеті бөлімінде Балалар кітабы апталығы аясында "Ертегі кейіпкерлерінің эстафетасы. Эстафета героев сказок» атты конкурстық-ойын бағдарламасы өткізілді. Іс-шараға 4-6 сынып оқырмандары ертегі мен шытырман оқиға кейіпкерлерлеріне айналып, әдеби ойындарда, сюжеттік рольдерде ойнап, ертегі білімінің эстафетасына қатысты. Іс-шараға арналған «Ертегіден ертегіге дейін" тақырыбында иллюстрациялық кітап көрмесі ұйымдастырылды.

Балалар және жасөспірімдер кітабы апталығы аясында аудандық кітапхананың балалар әдебиеті бөлімінде Абай атындағы ЖОББМ-нің 4 сынып оқырмандарына арналған "Ерте, ерте, ертеде..." атты әдеби глобус ұйымдастырылды. "Достық" және "Бірлік" атты екі командаға бөлініп, қатысушылар глобус арқылы белгілі қазақ ертегілеріне саяхат жасап, "Бұл қай ертегіден?", "Жұмбақты тап", "Музыкалық ринг" сайыстарына қатысып, викторина сұрақтарына жауап берді.