Успен ауданы әкімдігінің, Успен ауданының мәдениет, тілдерді дамыту, дене шынықтыру және спорт бөлімінің "Успен ауданының орталықтандырылған кітапханалық жүйесі" КММ
КГУ "Централизованная библиотечная система Успенского района" отдела культуры, развития языков, физической культуры и спорта Успенского района, акимата Успенского района

«Бір ел - бір кітап» республикалық акция аясында балалар жазушы Бердібек Соқпақбаевтың 100 жылдығына арналған аудандық кітапхананың балалар әдебиеті бөлімінде Абай ЖОББМ-нің 7 сынып оқушыларының қатысуымен «Балалар әдебиетінің бәйтерегі – Бердібек Соқпақбаев» атты бейне-саяхат ұйымдастырылды. Іс шара барысында оқушылар «Менің атым Қожа», «Балалық шаққа саяхат» повестерінен әдеби диалог құрды. Оқырмандарға «Менің атым Қожа» фильмінен үзінді көрсетілді. Фильм соңында көрермендер өз ой-пікірлерімен бөлісті.

Халықаралық Отбасы күні аясында аудандық кітапхананың балалар әдебиеті бөлімінде А.Байтұрсынов атындағы ЖОББМ оқушыларының қатысуымен "Бақытты отбасы - бақытты балалық шақ" атты әдеби лото ұйымдастырылды. Жас оқырмандар мен олардың ата-аналарымен кітапханашылар "Мен және менің отбасым» лото-ойынын ойнатты. "Менің отбасым" бейнефильм көрсетілді. Балалар "Әлем отбасы , отбасы-әлем" тақырыбында кітап көрмесін тамашалады. Іс шара соңында "Простоквашино туралы жаңа әңгімелер" атты мультфильм көрсетілді.

Аналар күні мерекесі қарсаңында аудандық кітапхананың балалар әдебиеті бөлімінде "Алтын жүрек ананың мейірімі шексіз. Мама… чьё сердце не имеет границ» атты әдеби қонақжай ұйымдастырылды. Іс-шараға оқырман балалар аналарымен және "Успен ауылының арнаулы әлеуметтік қызметтерге мұқтаж балаларды қолдау орталығы" балалары қатысты. Кітапханашылар қонақтарды әлем елдерінде бұл мереке қалай тойланатыны туралы және оның шығу тарихымен таныстырды. Жас оқырмандар әдеби-конкурстық бағдарламада өлеңдер оқып, "Сиқырлы сөздердің сөздігін" құрастырып, "Ертегі аналар"викторинасында әдеби кейіпкерлерді тауып, белсенділік танытты. Соңында "Менің анам сиқыршы" мультфильмін тамашалап, кездесу әсерлі аяқтады.

Белоусов ауылдық кітапхана мектеппен бірлесіп бастауыш сынып оқушылар арасында "Менiң анам ең керемет" атты суреттер сайысын өткізді. Бұл сайыс, осы жылы Қазақстанда алғаш рет жаңа мереке "Аналар мерекесі" тойлап жатқанына орай ұйымдастырылған. Оқушылар бұл сайысқа белсенді қатыстып, ең керемет суреттері үшін тәтті сыйлықтарға ие болды.

ҰОС-ның Жеңіс күніне орай аудандық кітапхананың балалар әдебиеті бөлімінде балалар мен ересек оқырмандардың қатысуымен "Ұрпаққа ұран болған Ұлы Жеңіс" атты тарихи сағат өтті. Қонақтардың назарына "Жеңімпаздар жолдарымен", "Соғыс туралы кітаптарды оқыңыз!", "Соғыс сарбаздары","Қазақстандық батырлар –мәңгі жадымызда" музыкалық бейне-роликтер көрсетілді. Іс-шара барысында 1941-1945 жылдардағы оқиғаларды тереңірек білуге арналған «Сен білесің бе?» сұрақ-жауап викторинасы, мақал-мәтелдер сайысы, «Отан, батылдық, ерлік туралы» өлеңдер байқауы өткізілді.

Қазақстан халықтарының бірлігі күніне орай аудандық кітапхананың балалар әдебиеті бөлімі А.Байтұрсынов ЖОББМ-нің мектепалды даярлық тобының оқушыларының қатысуымен "Ынтымақ, бірлік - ең басты байлық" атты әдеби-ойын сағатын ұйымдастырды. Балалар мереке тарихымен танысты. Көктем, Отан, Қазақстан халықтарының достығы туралы әндер мен өлеңдер айтылды. Балалар шеңбер құрып, би биледі. Соңында "Октау тартысы", "Кегельбан", "Картопты қасықпен тасу" қозғалыс ойындарын ойнады. Іс-шара "Шашу"рәсімімен аяқталды.

Аудандық кітапхананың балалар әдебиеті бөлімі "Оқу-ашылумен тең" жобасы аясында Абай атындағы ЖОББМ-нің 2 сынып оқушылары арасында "Балалар бағының бағбандары" атты дауыстап оқу байқауын өткізді. Байқауға қатысушылар қазіргі қазақ жазушыларының шығармашылығымен танысты. Олардың орындауында мерейтойлық ақындар Ә.Балта, О.Әубәкіров және Б.Қошым-Ноғай шығармалары орындалды.

Аудандық кітапхананың балалар әдебиеті бөлімінде 8-10 сынып оқушылары үшін "Кез келген мамандық қадірлі. Каждая профессия в почете" атты кітапханаға саяхат ұйымдастырылды. Оқушылар "Кітаптан мамандыққа" тақырыбында өткен зияткерлік ойынына белсенді қатысты. "Мамандықты атаңыз" және "Мамандықты тап" тапсырмаларында өлеңдер оқып, мамандықтарға әдеби ұрандар таңдап, әртүрлі қызмет түрлері туралы бейнесюжеттер тамашалады. Қатысушылар әртүрлі мамандықтар туралы әңгімелейтін әдебиеттерді қарап, кітапқа деген қызығушылықтарын танытты. Соңында павлодарлық авторлардың жаңа кітаптарымен танысты.