Успен ауданы әкімдігінің, Успен ауданының мәдениет, тілдерді дамыту, дене шынықтыру және спорт бөлімінің "Успен ауданының орталықтандырылған кітапханалық жүйесі" КММ
КГУ "Централизованная библиотечная система Успенского района" отдела культуры, развития языков, физической культуры и спорта Успенского района, акимата Успенского района

Славян жазуы мен мәдениет күніне орай аудандық кітапхананың балалар әдебиеті бөлімінде 0-5 сынып оқырмандарының қатысуымен «Ғасыр әліппесі» атты танымдық саяхат ұйымдастырылды. Балалар алғашқы славян алфавитінің пайда болу тарихы туралы тыңдап, «Қызықты әріптер» викторинасының сұрақтарына жауап берді. Қатысушылар орыс тілі туралы тарихи кітаптардан үзінділер оқыды. Балалар «В стране занимательных букв», «Лесная школа» мультфильмдерін тамашалады. Соңында «Жазу қалай пайда болды» саяхат-көрмесіне шолу жасалды.

«Әлем балалар көзімен» - осы ұранмен А.Байтұрсынов атындағы ЖОББМ-нің мектепалды даярлық тобында мейірімділік сағаты өтті. Кітапханашы балаларға жақсылық пен жамандық туралы, адамдарға ежелден жақсылық пен жамандықты таңдау құқығы берілгені туралы әңгімелеп берді. Балалар өздерінің жасаған жақсы істері жайлы бөлісті. Шара соңында кітапхананың жас оқырмандары бір ауыздан адамдарға жақсылық жасау керектігін айтты. Біреуге жақсылық істесең міндетті түрде өзіңе оралады деген пікірмен бәрі келісті.

Халықаралық балаларды қорғау күні қарсаңында аудандық кітапхананың балалар әдебиеті бөлімі Абай атындағы ЖОББМ-нің мектепалды даярлық оқырмандарына арналған «Әр отбасы - Отанның мықты тірегі» атты әдеби-ойын бағдарламасын өткізді. Іс-шара барысында отбасылар «Бәрі біздің отбасымыз туралы» танымдық викторинасына, «Анам, әкем және мен – біз ең жақсы доспыз» оқу байқауына қатысып, жұмбақтар шешті. Аналар отбасымен бірге оқыған кітаптары, отбасылық мерекелері, жетістіктері, балалары әкелерімен не істегенді ұнататыны туралы әңгімелесті. Әр баланың аналарына деген жылы махаббат пен ризашылық сөздерін айтуға мүмкіндігі болды. Ата-аналар балаларымен бірге «Отбасы» және «Балалық шақ» тақырыбын дәріптейтін заманауи қазақ жазушыларының шығармаларымен танысып, олардың шығармаларынан үзінділерін тыңдады. Кездесу соңында оқырман отбасылар көптеген кітаптармен танысты.

Аудандық кітапхананың балалар әдебиеті бөлімінде Аналар күніне орай «Шуағын шашқан балаға, мейірімді жан ана» атты әдеби сағат өткізілді. Іс-шараға Абай атындағы ЖОББМ-нің 1-сынып оқушылары қатысты. Мереке тарихымен танысқаннан кейін балалар «Ақ мамам», «Мама-главное слово» бейнероликтерін көрді. Балалар «Жұмбақтар», «Әлемдегі ең сүйкімді жан-менің анам», «Ана туралы өлең оқимыз» әдеби-шығармашылық байқауларына белсенді қатысты. Кітапхананың жас оқырмандары «Шығарма жазу: Мен анама қалай көмектесемін!» сахналық көріністі тамашалады. Соңында «Шеберлер» студиясында балалар аналарының портреттерін салды. «Менің анам – менің сырласым» тақырыбындағы кітап көрмесі оқырмандарды аналарды бейнелейтін әртүрлі жанрдағы әдемі туындыларымен таныстырды.

Белоусов ауылдық кітапханасы МҮ - мен бірлесіп «Ұлы Отан соғысы жылдарындағы павлодарлықтар» ауызша журналын өткізді. Кітапханашы Отанымыздың өткен ерлігі , қазіргі заманның бейбітшілік үшін күреспен тығыз байланысты екенін айтты.

Біз, Отанымыз үшін өз өмірлерін қиған батырлардың ерлігін ұмытпауымыз керек.

Іс-шара барысында балалар өлең оқып, "Священная война" ,  "Сапқа тұр, майдангер" әндерін тыңдады. 

М.Қайырбаев, В.Орлов, Г.Ткачев , Қ. Камзиннің қысқаша өмірбаяндары айтылды. 

Іс-шара соңында «Жеңімпаздар», «Боздақтар», «Кеңес Одағының Батыры М. Қайырбаев» туралы кітаптарға шолу жасалды.

Отан қорғаушылар күніне орай аудандық кітапхананың балалар әдебиеті бөлімінде 5-сынып оқырмандары үшін «Әскер – ел қорғаны» атты кітап көрмесін тамашалай отырып, «Парызға адалдық» әдеби - танымдық журналы өткізілді. Кітапханашылардың ақпаратынан балалар бұл күн қазақ халқының Отан үшін көрсеткен ерліктері мен қызмет ету дәстүрлерінің шежіресін бейнелейтінін білді. Өз Отанын қорғаған даңқты батырлардың есімдері жайлы тарихи викторина ұйымдастырылды. Содан кейін балалар жұмбақтар шешіп, батырлық, қайсарлық туралы мақал-мәтелдерді еске алып, Қазақстанның Қарулы күштері мен бейбіт кездегі Қазақстандықтардың ерліктері туралы бейнероликті тамашалады.

Қазақстан халқының бірлігі күніне орай аудандық кітапхананың балалар әдебиеті бөлімінің кітапханашылары М.Жұмабаев атындағы ЖОББМ-нің мектепалды даярлық тобының оқушыларымен «Бірлік пен татулық – ел байлығы» атты әдеби-танымдық саяхат өткізді. Балалар қазақ, орыс, неміс, татар, өзбек, украин халықтарының мәдениетімен дәстүрлерімен, фольклорлық шығармаларымен және ұлттық ойындарымен танысты. Балалар «Достық шеңбері» байқауына және «Ойын қалашығына саяхат», «Достық дегеніміз не?» ойындарына қатысып, өздерінің шығармашылық қабілеттерін көрсете білді. Іс шара соңында қатысушыларға «Біздің күшіміз – бірлікте» атты кітап көрмесі ұйымдастырылып, әдебиеттер әзірленді.

 Белоусов кітапханасы мектеп пен бірлесіп Қазақстан Халықтарының Бірлігі күніне арналған "Біртұтас отбасында өмір сүреміз" патриоттық сағатын өткізді. Кітапханашы біз көпұлтты мемлекетте өмір сүріп жатқанымызды және біздің басты байлығымыз - достық пен бірлік екенін айтты.

 "Қазақстанда тұратын 10 негізгі ұлттар" атты бейне ролик қарады. Балалар достық туралы тақпақтар айтты.