Қарттар күнін мерекелеу қарсаңында аудандық кітапхананың балалар әдебиеті бөлімі Абай атындағы ЖОББМ-нің мектепалды даярлық сынып оқушыларына «Аталар мен әжелер туралы» атты әдеби ойын өткізді. Балалар ата-әжелерінің отбасыларындағы маңызды рөлі, қарт адамдарға қалай қарау керектігі жайлы өз ойларымен бөлісті. Оқушылар назарына «Менің отбасым» музыкалық бейнеролигі және «Ертегідегі аталар мен әжелер» тақырыбында кітап көрмесі әзірленді. «Ең маңызды сөздер» әдеби ойын барысында балалар өздерінің ізгі тілектерін білдіріп, «Әлемдегі ең жақсы адамдар» жұмбақтарын шешті. Содан кейін қатысушылар әдеби кейіпкерлердің «Даналық пен мейірімділік сабақтары» сұрақтарына жауап беріп, «Әжемді қарсы ал!» ертегісінен үзінді тыңдады.
