Успен ауданы әкімдігінің, Успен ауданының мәдениет, тілдерді дамыту, дене шынықтыру және спорт бөлімінің "Успен ауданының орталықтандырылған кітапханалық жүйесі" КММ
КГУ "Централизованная библиотечная система Успенского района" отдела культуры, развития языков, физической культуры и спорта Успенского района, акимата Успенского района

Отбасы күніне орай аудандық кітапхананың балалар әдебиеті бөлімінде кітап оқитын отбасылар үшін "Барлық отбасымызбен кітап оқимыз" атты кездесу кеші ұйымдастырылды. Іс шараға сегіз отбасы қатысты. Қатысушылар "Біздің отбасымыздағы ең бақытты сәттер" әңгіме - диалогына, "Отбасының сүйікті кітаптары", "Жазушыны және оның отбасы туралы жазған шығармасын тап", "Поэзиялық ассорти" атты әдеби байқауларына қатысты. Оқырмандар балалар мен ата-аналардың қарым-қатынасы туралы ең күрделі сұрақтарға жауап беретін заманауи қазақстандық және шетелдік авторлардың прозасымен танысты. Олардың орындауында әдеби кейіпкерлердің монологтары, өлеңдер оқылды.
Кеш соңында "Міне, менің отбасым" мультфильмі мен "Менің отбасым-менің бақытым'" тақырыбында бейнеролик көрсетілді. Соңында кітапханашылар кітапхананың белсенді оқитын отбасылары ұсынған "Әкем, анам және мен отбасымыз оқырман" атты фотогалерея көрмесін әзірледі.